بهسهرهاتهكانی دوورگه
بهسهرهاتی پێنجهم:
دوورگه له ناو پۆل دانیشتووه.
مامۆستاكهیان خهریكه وانهی بیركارییان پێ دهڵێتهوه.
سیروان وهك ههمیشه له دواو دواوهی پۆلهكهیان دانیشتووه. سیروان به كاغهز فرۆكهیهكی سازكردووه. سیروان چاوهڕوانه مامۆستاكهیان رووبكاته تهختهرهشهكه.
مامۆستا رووی كرده تهختهرهشهكه.
سیروان فڕۆكهكهی فڕێدا بۆ پێشێ. فرۆكهكه له پشتهسهری هیوا كهوت و بهربۆوه بهردهمی رۆژان. سیروان خۆی له گێلی دا. سیروان بهو خۆ گێل كردنه، دهیههویست وا نیشان بدات كه، یانی ئهمن ئهو كارهم نهكردووه.
هیوا زانی كه سیروان فرۆكهكهی فڕێداوه.
مامۆستا هێشتا ئاگای له هیچ نهبووه.
هیوا دهستی بهرزكردهوه، ههركه ویستی قسهبكا، رۆژان پێش دهمی هیوای گرت و گوتی: نا.. نا.. بێدهنگ به! جارێ هیچ مهڵێ! با مامۆستا نهزانێ! دوایه بۆخۆم چاری دهكهم!
هیوا زۆر دهرسخوێنه، ههمیشه له پێش پێشهوهی پۆل دادهنیشێ! بهڵام حهیفهكهی ئهوهیه بڕێك قسهگێڕهوهیه!
رۆژانیش زۆر دهرسخوێنه، ئهویش ههمیشه له سهر كورسییهكانی پێشهوه دادهنیشێ. بهڵام رۆژان زۆر ژیره، ئهو هیچ كات حهز له ئاژاوه و قسهگێڕانهوه ناكات. رۆژان ههمیشه ههوڵ دهدات، كێشهكان به قسهكردن چارهسهر بكات. ئهو ئیزن بهخۆی نادات له خۆڕا شكایهت له خهڵك بكات.
دوورگه ههمیشه لهناوهندی پۆلهكهیان دادهنیشێ.
ههمیشه بۆ پلهی یهكهم و دووههم و سێههم، لهنێوان رۆژان و دوورگه و هیوا ركهبهرایهتی ههیه. بهڵام زۆربهی ههرهزۆری كاتهكان هیوا نهفهری یهكهمه.
بۆ پلهی دووههم و سێههمیش، ههمیشه دوورگه و رۆژان له نێو خۆیاندا كێبهركێیانه.
مامۆستا گوێی له دهنگێك بوو. ئاوڕیدایهوه و گوتی: ئهو سرته سرتهتان له چییه؟!
هاوڕێ نزیكهكهی سیراوان، كه ئهویش ههمیشه له دواو دواوهی پۆلهكهیان دادهنیشێ، دهستی ههڵێنا و گوتی: مامۆستا.. مامۆستا...! سیراوان فڕۆكهیهكی به كاغهز دروستكرد و هاویشتییه پێشهوه، رۆژانیش له ژێر كورسییهكهی خۆیدا شاردییهوه!
مامۆستاكهی دوورگه و ئهوان مامۆستایهكی تازهیه. ئهو مامۆستایهی پێشوویان كه گوێچكهی سیروانی دهكێشا، لهو قوتابخانهیه نهماوه. بهرێوهبهری قوتابخانهكه لهسهر ئهو گوێ كێشانانهی، له قوتابخانهكهیانی دهركردووه.
ئهم مامۆستایهی ئێستای دوورگه و ئهوان، زۆر مامۆستای چاكه، ئهویش وهك رۆژان ههمیشه حهزدهكا به قسهكردن كێشهكان چارهسهر بكات. ههر بۆیه به كوڕه فزوولهكهی گوت: ئهو كارهی سیراوان پێوهندی بهتۆوه نییه! تۆ بۆت نییه جارێكی دیكه فزوولی بكهی، سیروان ئهگهر كارێكی خراپ بكا، دهبێ بۆخۆی شهرم له خۆی بكات، نهك ئهوهی ئێوه شكایهتی لێ بكهن!
دوورگه زۆری ئهو وهڵامهی مامۆستاكهیان بهدڵ بوو.
كوڕه فزوولهكه سهری داخست و وهك سیروان له شهرمان بێدهنگ بوو.
مامۆستا وانهكهی تهواوكرد و گوتی: ئیتر بۆ ئهمڕۆ بهسه، من دهچمه ژووری بهرێوهبهری قوتابخانه، ئێوهش ئهو 10 خولهكهی كه له كاتهكهمان ماوهتهوه، ئازادن، ههرچییهك دهیكهن بیكهن، كهیفی خۆتانه.
مامۆستا رووی كرده سیروان و گوتی: سیروان گیان، ئێستا كه دهرسهكهی ئهمڕۆمان كۆتایی پێ هاتووه، دهتوانی بهكهیفی خۆت فرۆكه سازبكهی و منداڵهكانی دیكهش فێر بكهی، بهڵام ئاگات له لاپهڕهكانت بێ، حهیفه، زۆریان خهسار نهكهی!
سیروان ئهوهندهی دیكه بهو قسهیهی مامۆستاكهمان شهرمی له كارهكهی خۆی كردهوه.
من پێم وانییه تازه سیروان قهت ئهو كاره دووپات بكاتهوه.
مامۆستا ماندوونهبوونیی له منداڵهكان كرد و له پۆل چووه دهرێ.
دوورگه چوو بۆلای سیروان و گوتی: ئهه... سیروان خان! هیوا و رۆژان كاره خراپهكهی تۆیان به مامۆستا نهگوت، كهچی هاوڕێ نزیكهكهی خۆت شكایهتی لێ كردی! ئهگهر تهمبێ بووبێتی، جارێكی دیكه هاوڕێیهتی كهسانی قسهگێڕهوه ناكهی!
رۆژانیش هاته پێشێ و گوتی: دوورگه راست دهكا، هاوڕێی باش ئهو كهسانهن كه یهكتری ئامۆژگاری دهكهن، نهك ئهوهی فزوولی لهیهكتر بكهن!
سیروان عادهتێكی زۆر خراپی ههیه، ئهویش ئهوهیه كه زۆر زوو ئامۆژگاری و نسیحهتی لهبیر دهچێتهوه. یانی له راستیدا خۆی له ئامۆژگارییهكان گێل دهكا.
من دهزانم سیروان باش له قسهكانی دوورگه و مامۆستاكهیان و رۆژان تێ گهیشتووه، بهڵام بهداخهوه بۆ سبهی ههموو ئهو ئامۆژگارییانهی لهبیر دهچێتهوه و دیسان لهگهڵ ئهو كوڕه فزووله دهبێتهوه به هاوڕێ و دهست دهكهنهوه به ئازاردانی منداڵهكانی دیكهی قوتابخانهكهیان. ئاخر سیروان زۆر هاروهاجه و هاروهاجتر لهو كوڕهشی بۆ هاوڕێیهتی وهدهست ناكهوێ!
خۆزگه سیوان ئهو عادهته خراپانهی نهبوایه!
من دهزانم سیروان چاك دهبێ، بهڵام زۆری پێ دهچێ!
بهئاواتی ئهو رۆژهی سیروان هیچكات قسهی باشی لهبیر نهچێتهوه. بهوهیوایه!
دوورگه بهسهرهاتی ئهمڕۆشی، له دهفتهری بیرهوهرییهكانی دا نووسییهوه.
بهسهرهاتهكانی دوورگه
بهسهرهاتی چوارهم:
دوورگه له دهركهی حهوشهی قوتابخانهكهیان هاته دهرێ.
كوڕێكی پۆلی چوار، كوڕێكی پۆلی دووی بهزهویدادا.
دوورگه زۆری پێناخۆش بوو. له كوڕه گهورهكه چۆپێشێ و گوتی:
ئهوه بۆ پاڵ بهو چووكانهوه دهنێی.. ها..؟! پێت خۆشه ئهتۆش نهفهرێكی گهورهتر له خۆت، بێت و پاڵتپێوهبنێ و به عهرزتدابدا؟!
كوڕهكه بهبێ ئهوهی وهڵامی پرسیارهكهی دوورگه بداتهوه، پشتی له دوورگه كرد و رۆیشت.
رۆژان ئاگای له ههموو شتێك بوو.
ئهوكاتهی دوورگه لهگهڵ كوڕهكهی پۆلی چوراهم قسهی دهكرد، رۆژانیش خهریك بوو كوڕه بچكۆلهكهی لهسهر زهوی ههڵدهستاندهوه و گیانی بۆ دهتهكاند.
رۆژان به كوڕه چووكهكهی گوت: هیچ نییه بهقوربان! مهگری! ئهها.. ئهها.. دوورگه دهیههوێ تۆڵهی تۆی لێبكاتهوه!
منداڵه چووكهكه، نێفهكی پانتۆڵهكهی راست كردهوه، به دهستێكی تهپووتۆزهكهی پشت قوونی خۆی تهكاند، جانتاكهی بهكۆڵیدادا، بهقۆڵی باڵتهكهی فرمێسكهكانی وشك كردهوه و رۆیشتهوه بۆ ماڵی خۆیان.
كوڕه گهورهكه له دوورگه دووركهوتهوه.
دوورگه ههرای لێكرد: لهگهڵ تۆمه! بۆ دهڕۆی؟! تۆ پێتخۆشه نهفهری لهخۆت بههێزتر لێتبدا؟!
كوڕهكه دووركهوتبۆوه، دوورگه دوو ئهوهندهی دیكه تووڕه ببوو.
رۆژان هاواری له كوره گهورهكه كرد و گوتی: هۆ...ی كوڕی باش! جارێكی دیكه له منداڵی چووكهتر لهخۆت نهدهی! دهنا زهرهر دهكهی!
دوورگه و رۆژان بهرهو ماڵی خۆیان وهڕێكهوتن. دوورگه ههر لهبیری ئهو رووداوهدابوو.
رۆژان گوتی: دوورگه.. دوورگه.. چاو.. چاو.. چاو لهولاكه! چاو ئهو ههموو فوودانهیه! بچین بكڕین؟!
دوورگه هۆشی له قسهكانی رۆژان و فوودانهكان نهبوو. ههر لهبیری ئهو رووداوهی بهردهركی قوتابخانهدابوو.
رۆژان لهدوورهوه ههرای له فوودانه فرۆشهكه كرد: خاڵه.. خاڵه.. ئهوه دهنكی بهچهنده؟!
فوودانه فرۆش گوتی: زۆر ههرزانه، وهره ئهگهر لێم دهكڕی!
دوورگه ئهوهنده لهبیری ئهو رووداوهدابوو، ئاگای لهوه نهبوو كه رۆژان چووبوو دوو دانه فوودانهی كڕیبوو و هاتبۆوه.
دوورگه گوتی: ئهوهچهییه رۆژان؟! ئهو فوودانه جوانانهت له كوێ كڕیوه؟!
رۆژان گوتی: بۆ تۆشم كڕیوه، لهو دوو دانهیه یهكیان دهدهم بهتۆ، كامیانت دهوێ؟ زهردهكه یان سوورهكه؟!
دوورگه گوتی: كهیفی خۆته! كامیانم دهدهیهی كهیفی خۆته!
ئاخر دوورگه ههموو رهنگهكانی پێ جوانه بۆیه به رۆژانی گوت كهیفی خۆته.
رۆژان فوودانه سوورهكهی دا به دوورگه و لهدڵی خۆیدا گوتی: ئۆ... خهیش! بهس نهبوو دوورگه داوای فوودانه زهردهكهی نهكرد! ئاخر من رهنگی زهردم زۆر پێجوانه!!
رۆژان و دوورگه بهقاقا و به پێكهنین دهستیانكرد به ههڵاتن.
پهتكی فوودانهكانیان له قامكیان هاڵاندبوو و به ههڵات ههڵات فوودانهكانیان بهدوای خۆیان رادهكێشا.
رۆژان گهیشته بهردهرگای خۆیان. راوهستا. دهستی خسته ناو دهستی دوورگهوه. روومهتی دوورگهی ماچ كرد و گوتی: دوورگه گیان زۆر بیر لهو رووداوهی ئهمڕۆ مهكهوه، چاكت بهو كوڕه گهوهریه كوت. خۆت نارهحهت مهكه، ئهمن شانازی به تۆ دهكهم! چوونكه له قوتابخانهی ئێمه تهنیا تۆ لهسهر منداڵهكان وهجواب دێی! من زۆر خۆشحاڵم كه هاوڕێیهكی وهك تۆم ههیه! منداڵهكانی دیكهش تۆیان زۆر خۆش دهوێ.
دوورگه رۆژانی ماچ كرد و بهرهو ماڵی خۆیان وهڕیكهوتهوه.
دوورگه پێش ئهوهی بگاتهوه بۆ ماڵی خۆیان، له دڵی خۆیدا قسهی دهكرد و بهخۆی دهگوت:
باشه چ دهبوو قوتابخانهكان ئاوا نهبوایهن؟! یانی چ دهبوو قوتابخانهكان بهپێی پۆل بوایهن؟! بۆ وێنه چ دهبوو ههرچی منداڵی پۆلی یهكهمه لهیهك قوتابخانهدا بیانخوێندبایه؟! ئهگهر قوتابخانهكانیان بهپێی پۆلهكان دابهش بكردبایه لهوانهبوو باشتر بوایه! نا.. نا.. پێم وابێ باشتر وایه ههموو پۆلهكان بهیهكهوه بن!
ئاخر ئهگهر ههموو پۆلهكان بهیهكهوه بن، منداڵه چووكهكان لهرووی منداڵه گهورهكان فێری شتی زیاتر دهبن! نا.. نا.. كوا منداڵه گهورهكان منداڵه چووكهكان فێری زنیاری دهكهن؟! منداڵه گهورهكان خۆیان زۆر پێ گهورهیه و لهگهڵ منداڵه چووكهكان نابن به هاوڕێ!!
دوورگه گهیشته بهردهگای ماڵی خۆیان. دوورگه بهپهلهیه دایكی ببینێ، دهیههوێ لهو بارهیهوه لهگهڵ دایكی قسه بكا، بهڵكوو دایكی پێشنیارێكی باشتری ههبێ.
ههربژی بۆ دوورگه، چوونكه لهپهنای هیچ شتێك بێ بیركردنهوه تێپهڕ نابێ. ههربژی دوورگهگیان. ههر بژی!
